Руслан Назаров - "Биектау FM" йолдызы

Һәр атнаны дүшәмбедән шимбәгә кадәр 12.45 сәгатьтә 100,2 fm ешлыгында "Биектау FM" радиосында медиахолдингыбызның "Вконтакте"дагы рәсми төркемендәге дусларыбыз турында сөйли торган тапшыру эфирга чыга. Бүгенге йолдызыбыз - Руслан Назаров.

Гер спорты - яшь һәм тиз үсә торган көчле һәм чыдамнарның спорт төре. Әлеге спорт төре үсәргә тели торган, максатка ирешү юлында ихтыяры булган кешеләр өчен туры килә. Ә спорт белән шөгыльләнү стресстан котылу, авырлыкны киметү һәм һәрвакытта да яхшы кәефтә булу өчен менә дигән мөмкинлек. Тапшыруыбызның бүгенге каһарманы гер спорты белән шөгыльләнә. Тренер-укытучы Руслан Назаров төрле конкурс һәм чараларда катнаша.

Аңа гаилә бәхете, сәламәт озын гомер, һәр яңа көн бәхетле мизгелләр белән тулып торуын, яңа уңыш һәм җиңүләр телибез.

P.S. тапшыруның тулы аудиоязмасы "Вконтакте"дагы рәсми төркемебездә урнаштырылган.

P.P.S. Игътибар! Әлеге тапшыру өчен барлык мәгълүмат та тапшыру героеның "Вконтакте"дагы рәсми битеннән алына. Шунлыктан чынбарлыктан аерым урыннар да булырга мөмкин.