ИҢ ЯХШЫЛАРНЫ БҮЛӘКЛӘҮ

2012 елның икенче һәм өченче кварталлары йомгаклары буенча Биектау муниципаль районының иң яхшы оештыруга конкурс җиңүчеләре аталды.
Предприятиеләр арасында - "Поворотный круг" җаваплылыгы чикле ширкәте, җитәкчесе Василий Гнедин; авыл хуҗалыгы предприятиеләре арасында - "Биектау" Агрофирмасы җаваплылыгы чикле ширкәте, җитәкчесе Рәдиф Закирҗанов; мәктәпләр арасында - Зур Кавал гомуми урта белем бирү мәктәбе, директор Нәгыйм Зәбиров; мәктәпкәчә яшьтәге балалар учреждениеләре арасында "Солнышко" балалар бакчасы, мөдире Венера Миндубаева; авыл җирлекләре арасында - Дөбъяз авыл җирлеге, җирлек башлыгы Әсхәт Низамов. Конкурс финанс-икътисад өлкәсендә югары күрсәткечләргә, социаль-икътисади нәтиҗәләрнең югары күрсәткечләренә ирешкән предприятиеләр һәм оешмаларның алдынгы тәҗрибәсен ачыклау һәм тарату өчен уздырыла.