Дина Вахламова - "Биектау FM" йолдызы

Һәр атнаны дүшәмбедән шимбәгә кадәр 12.45 сәгатьтә 100,2 fm ешлыгында "Биектау FM" радиосында медиахолдингыбызның "Вконтакте"дагы рәсми төркемендәге дусларыбыз турында сөйли торган тапшыру эфирга чыга. Бүгенге йолдызыбыз - Дина Вахламова.

Бүгенге тапшыруыбызның каһарманы Дина Вахламова болай дип киңәш бирә: "Усал кешеләрне яратыгыз. Аларда яхшы булып күренергә тырышкан яхшы кешеләрдәгегә караганда ялган әзрәк".

Дина Вахламова матур, сөйкемле кыз, хайваннарны үлеп ярата. Үзенең ике этенә карата бик игътибарлы мөнәсәбәттә. Хуҗасыз этләрне ул ничек тә өыйле итәргә тырыша. Аның шундый яхшы йөрәге өчен аны дуслары: "Шәфкать фәрештәсе" дип йөртәләр.

Динага шундый ук сизгер, игътибарлы булып калуын, эшендә уңышлар, бәхет һәм сәламәтлек телибез.

P.S. тапшыруның тулы аудиоязмасы "Вконтакте"дагы рәсми төркемебездә урнаштырылган.

P.P.S. Игътибар! Әлеге тапшыру өчен барлык мәгълүмат та тапшыру героеның "Вконтакте"дагы рәсми битеннән алына. Шунлыктан чынбарлыктан аерым урыннар да булырга мөмкин.