Биектаулылар “Авыл яшьләре” X нчы җәйге авыл уеннарында катнашачаклар

Биектау районыннан иллеләп кеше "Авыл яшьләре" X нчы җәйге авыл уеннарында район намусын яклар өчен Зәйгә барачаклар.

Уеннар 25 августтан 30 нчы августка кадәр дәвам итәчәк. Спортның туристлыкка кагылышлы ярышлары, өстәл теннисы, мас-реслинг, көрәш, гер күтәрү, җиңел атлетика, билбаулы көрәш, шашка, шахмат кебек төрләрендә җитезлегеңне һәм осталыгыңны күрсәтергә кирәк булачак. Шулай ук сыер савучы ир-атлар һәм механизаторлар арасында да бәйге уздырылачак.

Исегезгә төшереп үтәбез, Биектау районы командасы узган ел алтынчы урынны алган иде.