Биектау районы теннисчысы республика турниры призеры булды

2003 елда һәм аннан соңрак туган миникадетлар арасында "ТУЛПАР" мәктәптән тыш Үзәгенең өстәл теннисы буенча педагогы Ирина Миндрюковада тәрбияләнүче 1 нче Биектау урта мәктәбе укучысы Айдар Солтанбеков "Татарстанның өмете" дигән ярышта өченче урынны алды. Бу аның республика ярышларында беренче катнашуы.

Турнирда, Айдардан тыш, Лия Волкова да катнашты. 1 нче Биектау урта мәктәбе укучысы узган ел азагында үз үлчәү категориясендә чемпион исемен яулаган иде инде. Бу юлы да ул әйбәт нәтиҗәгә иреште, 60 катнашучы арасында 9 нчы урынны алды. "Бокс һәм өстәл теннисы" спорт комплексына Татарстан шәһәрләре һәм районнарыннан барлыгы 200ләп яшь спортчы килде.