Биектау районы башлыгы Бөек Ватан сугышы ветераннарына ТР Президенты бүләкләрен тапшырды (+ФОТО)

Бөек Җиңү көне якынлашкан көннәрдә Биектау районында Бөек ватан сугышы ветераннарына ТР Президенты һәм район хакимияте бүләкләрен тапшыра башладылар.

Бүген Биектау районы башлыгы Рөстәм Кәлимуллин ике сугыш ветеранына, Сая авылыннан Габделхаков Фоат Габделхак улына һәм Олы Кавал авылыннан Җиһаншин Әгъзәм Җиһанша улына бүләкләр тапшырырга килде.

Бүләкләрне тапшырганда Рөстәм галиулла улы ветераннарга үзләрен аямый сугышкан өчен рәхмәтен җиткерде, киләчәктә дә бәхет, шатлык, сәламәтлек теләде.

Шулай ук хөрмәтле ветераннарны котларга мәктәп укучылары да килгән иде. Алар ветераннарга шигырьләр сөйләделәр, җырлар җырладылар һәм биеделәр.