"Биектау" медиахолдингы хәрби хезмәттә төшкән фотолар бәйгесе игълан итә

Озакламый без Ватанны саклаучылар көнен бәйрәм итәчәкбез. Шул уңайдан "Биектау" медиахолдингы фотосурәтләр бәйгесе башлап җибәрә. Әлеге бәйге хәрби хезмәттә төшкән фотоларга багышланган.

Конкурс 2-23 февраль көннәрендә узачак.
Бәйгедә катнашу өчен хәрби хезмәт, хәрби бәйрәмнәр вакытында төшкән фотоларны vgora-vesti@mail.ru адресына җибәрегез һәм үзегез җибәргән фотолар өчен тавыш бирергә чакырыгыз.
Фотоларда сез үзегез, дусларыгыз, якыннарыгыз һәм туганнарыгыз булырга мөмкин. Фотоларга нинди дә булса аңлатма язсагыз тагын да яхшы булыр иде. Әйтик, фотода кем сурәтләнгән, ул кайда һәм нинди вакытта төшерелгән һ.б.
Барлык фотолар да безнең рәсми сайтыбызда урын алачак. Ә җиңүче дип үз фотосы астына иң күп комментарий җыйган кеше танылачак.
Җиңүчене Казанның "Лабораториум" фәнни-интерактив паркына сертификат (з кешегә керү хокукы бирә торган) белән бүләкләячәкбез.