Биектау чабышкылары Лениногорск районында узган ат чабышларында уңышлы чыгыш ясадылар

14 май көнне Лениногорск районында атлар чабышы - төрки халыкларның милли күңел ачу чарасы - "Бәйге" узды.

Чабышка Татарстанның Лениногорск, Зәй, Биектау районнарыннан, Самара өлкәсеннән килгәннәр иде.

Мәртәбәле кунаклар арасында республика Премьер-министры урынбасары Васил Шәйхразиев, авыл хуҗалыгы министрының терлекчелек буенча урынбасары Нәҗип Хәҗипов та булды.

Биектау районын Усманов КФХсы атлары тәкъдим итте.

15 км га чабышта Николай Степанов Мансур кушаматлы атта беренче, ә Владимир Михайлов Ванга кушаматлы атта өченче килде.

Чабышчыларны уңышлы чыгышлары белән котлыйбыз!