Мөһим бурычлар

Узган шимбәдә авыл хуҗалыгы мәсьәләләре буенча семинар "Правда" җаваплылыгы чикле ширкәтендә узды.

Төп басым терлекчелеккә ясалды. Кышлауны уңышлы уздыру өчен ай саен контроль савымнар һәм терлекләрнең авырлыгын үлчәү, бозауларны махсус ысул белән үстерү, яңа туган бозауларны өч тапкыр эчерү, терлекләрнең туклану рационын баланслау, рационга ылыс кертү бүгенге көндә терлекчелектә төп бурычлар һәм таләпләр булып тора. Авыл хуҗалыгы предприятиеләре эшчәнлегенең башка мәсьәләләре дә каралды: язгы-кыр эшләренә техниканы әзерләү, орлыкларны саклау һәм орлыкчылык проблемалары.