Гаилә фермасы булдыру – авыл өчен мөһим

Авыл җирлекләрендә бу көннәрдә халыкны гаилә фермаларын төзү программаларында катнашуга һәм шәхси ярдәмче хуҗалык өчен кредитлар алуга җәлеп итү буенча эш активлаша.

Районда йөз ферма ачу бурычы куелды. Сөт, мөгезле эре терлекләр үстерү, сарыклар, казлар, күркәләр, тәвә кошлары, балык үрчетү, умартачылык - болар авыл халкы шөгыльләнә ала торган эшчәнлекнең тулы булмаган исемлеге. Ул республика бюджетыннан 200 мең сумнан алып 1 миллион сумга кадәр күләмдә финанслана - төзелешкә, биналарны реконструкцияләүгә, шулай ук сатып алынган терлекнең тере авырлыгының һәр килограммы өчен 30-40 сум исәбеннән бирелә. Башка ярдәм дә күрсәтелә.