Демография үсеше

Агымдагы елның җиде ае эчендә безнең районда 2013 нче елның шул ук чоры белән чагыштырганда күбрәк бала туган. ЗАГС бүлеге туу турындагы 283 актны теркәгән (былтыр 246 булган). Яңа туган сабыйларның 152се - малай, 131е - кыз. Үлемнәрнең дә бераз кимегәне сизелә. 333 кеше үлгән. Бу - соңгы 11 ел эчендә иң түбән күрсәткеч.

Бу чорда 122 пар никахка кергән. Узган елгыга караганда 17гә артык бу. Шуның белән бергә аерылышулар да элеккечә үк күп: быел ЗАГСта 78 гаилә никахлары өзелүен рәсмиләштергән. Аерылышуларның төп өлеше гаилә стажы 5 елдан артмаган парларга туры килә.