Чистарту эшенә керешәбез

Биектау районында 15 апрельдән 15 июньгә кадәр территорияләрне төзекләндерү һәм санитар чистарту икеайлыгы узачак.

Шушы вакыт эчендә милекнең барлык төрләренә караган оешмаларга, предприятиеләргә, авыл җирлекләренә беркетелгән территорияләрне карлар эрегәннән соң ачылган җитештерү һәм көнкүреш калдыкларыннан чистартып кына калмаска, ә бәлки тиешле тәртиптә дә тотарга кирәк булачак. Агачлар һәм куаклар утырту, чәчәк түтәлләре ясау, урман аланнарын, юл тирәләрен, сулыкларның яр буйларын чистарту, инеш-чишмәләрне, зиратларны тәртипкә китерү, балалар мәйданчыкларын ремонтлау - безнең районда ике айда менә шушы һәм башка эшләрне тормышка ашыру планлаштырыла. Гадәтләнгән җыештыру көннәре чәршәмбедә уздырылачак.