Чәчәкләр куандырсын

Агымдагы атнаның дүшәмбесендә узган зур киңәшмәдә районның хезмәт коллективлары җитәкчеләре алдына төзекләндерү мәсьәләләренә игътибарны арттыру бурычы куелды.
Оешма урнашкан биналарның әйләнә-тирәсен чисталыкта, тәртиптә тоту гына җитми, ә яшелләндерү, чәчәк түтәлләре ясау турында да кайгыртырга кирәк.
Биектау авылының өч километрга сузылган Большая Красная урамын, участокларга бүлеп, оешмаларга беркетәчәкләр. Биредә чәчәклекләр, кече архитектура формалары һәм әйләнә-тирәне ямьләндерә торган башка әйберләр барлыкка килергә тиеш. Яңа "Бәләкәч" балалар бакчасы үзенә беркетелгән территорияне тәртиптә тотуның матур үрнәге сыйфатында мисал итеп китерелде. Биредә яшь куаклар да утыртылган, аллы-гөлле чәчәкләрнең күплеге дә игътибарны җәлеп итеп тора.