Ашыгу һәлакәткә китерә

"Газель" шоферының Коркачыктагы сакланмый торган тимер юл аша чыгу урыныннан светофорда кызыл сигнал янып торганда узып китәргә маташуы фаҗига белән тәмамланды.
6 декабрьдә биредә иртән иртүк автомашина маневр ясаучы локомотив белән бәрелеште. Нәтиҗәдә эшкә барышлый өч кешенең гомере өзелде. Безнең район территориясендә автомат режимда эшли торган ике тимер юл переезды бар. Руль артында утыручылар, игътибарлы һәм сизгер булыгыз! Юл хәрәкәте кагыйдәләрен бозмагыз. Үзегезнең һәм башкаларның тормышын куркыныч астына куймагыз, фаҗигагә дучар итмәгез!