Алимент түләмәүчеләргә каршы көрәш

Суд приставлары хезмәтендә эшләүчеләр алимент түләттерү чараларын, җәй азагыннан башлап, сентябрь буена башкаралар.
Гадәткә кергән әлеге акция "Белем көне алда - алиментыңны түлә әйдә!" - "День знаний впереди - алименты заплати!" дип атала. Биектау районындагы суд приставлары хезмәтенең әле күптән түгел генә билгеләнгән яңа җитәкчесе Алексей Батинов редакциягә хәбәр иткәнчә, суд приставларының федераль хезмәтендә эшләүчеләр бу чорда намуссыз әтиләр һәм әниләр янына бурычларын түләттерү өчен бардылар һәм барачаклар. Хәзерге вакытта Татарстан суд приставларында алимент алу турында 35 мең тирәсе башкару кәгазе бар.