БОКСЧЫ ЕГЕТЛӘР СЫНАТМАДЫ

СССР спорт мастеры, СССР кубогы финалисты Н.М. Ведерников истәлегенә бокс буенча "Б" классында VI нчы Бөтенроссия турниры булды.
Йошкар-Ола шәһәренең ачык беренчелеге кысаларында үткәрелгән бу ярышта Биектау балалар-үсмерләр спорт мәктәбендә тәрбияләнүче өч үсмер катнашты. Ярышлар 2012 елның 13 декабреннән 15 декабренә кадәр узды. 69 килограммга кадәр авырлык категориясендә үсмерләр арасында Илнар Гафиятуллинның чыгышы бик матур иде - ул бу турнирның чемпионы булды, спорт мастеры кандидатына нормативны үтәде. 1999-2000 елгы үсмерләр арасында 1 нче урынны Тимур Сафиуллов яулады (72 кг.лы авырлык категориясе). Илназ Мәүлетов үзенең 56 кг.лы авырлык категориясендә бронза призеры булуга иреште.