Бәрәңге ала башладылар

Мәктәпләр коллективлары үз хәҗәтләре өчен бәрәңге алуга керештеләр.

Узган елдагы кебек үк, «икенче икмәк» «Каенлык» җаваплылыгы чикле ширкәте басуларында үстерелгән. Укучылар сыйныф җитәкчеләре белән бергә бирегә график буенча киләләр. Эш ике сменада оештырылган: 8.30 дан 12 гә кадәр һәм 12 дән 16 сәгатькә кадәр. Исәпләүләргә караганда, 4320 укучыны ашату өчен 108 тонна бәрәңге әзерләргә кирәк. Сентябрьдә балалар укуны файдалы хезмәт белән бергә алып барачаклар. Һәр сменада басуларга 100 ләп укучы чыга.