Биектау хәбәрләре

Биектау районы

18+
Рус Тат
2024 - год Семьи
КӨН ТЕМАСЫ

Бөреледә эшлекле киңәшмә

Язгы кыр эшләре башланырга күп вакыт калмый. Авыл хуҗалыгы һәм азык-төлек идарәсе Бөреледә уздырган зур киңәшмәдә сүз район хуҗалыкларының кырга чыгарга әзерлеге һәм алар алдында торган мөһим бурычлар турында барды. Киңәшмәдә Биектау муниципаль районы башлыгы Рөстәм Кәлимуллин катнашты. Ул авыл хуҗалыгы предприятиеләре җитәкчеләрен планнарны коллективларда тикшерергә һәм барлык агрочараларны кыска...

Язгы кыр эшләре башланырга күп вакыт калмый. Авыл хуҗалыгы һәм азык-төлек идарәсе Бөреледә уздырган зур киңәшмәдә сүз район хуҗалыкларының кырга чыгарга әзерлеге һәм алар алдында торган мөһим бурычлар турында барды.

Киңәшмәдә Биектау муниципаль районы башлыгы Рөстәм Кәлимуллин катнашты. Ул авыл хуҗалыгы предприятиеләре җитәкчеләрен планнарны коллективларда тикшерергә һәм барлык агрочараларны кыска срокларда уздыруның төп максат икәнлеген аңлатырга чакырды. Очрашуда авыл хуҗалыгы һәм азык-төлек идарәсе начальнигы Илнар Мөхлисов, хуҗалык җитәкчеләре һәм баш белгечләре, авыл җирлекләре башлыклары, район оешмалары җитәкчеләре катнашты.

Төп игътибар язгы чәчүгә әзерлекне үзара тикшерү нәтиҗәләренә багышланды. Һәр хуҗалык буенча видеоматериал һәм җитәкченең орлык, ашламаның күпме булуы, аларның ничек саклануы, кадрлар белән тәэмин ителеш, тракторлар һәм авыл хуҗалыгы машиналарының әзерлеге турындагы отчеты тәкъдим ителде. Гостехнадзорның Биектау бүлеге баш дәүләт инспекторы Илфар Әхмәтгалиев, күрсәтелгәннәргә аңлатма биргәндә җитешсезлекләргә тукталды, кыр эшләрендә катнашучыларның хезмәтен саклау мәсьәләсенә аеруча игътибар бирде.

Иң яхшы күрсәткеч - 30 балл - "Татарстан" Агрофирмасы" җаваплылыгы чикле ширкәтендә һәм "Бөреле" ябык акционерлык җәмгыятендә. Язга тиешенчә әзерләнмәгән "Зарница" һәм "АгроторгСтрой" җаваплылыгы чикле ширкәтләре борчу тудыра.

ТР буенча Россельхознадзорның Биектау районара бүлеге филиалы начальнигы Сәгыйть Сәлахетдинов үсемлекчелек, шулай ук орлыкларны инкрустацияләү мәсьәләләренә тукталды. Орлыкчылыкка җитди, җаваплы мөнәсәбәт, инкрустацияләүгә яхшы әзерләнүгә мисал итеп "Серп и молот", "Правда", "Битаман", "Бөреле", "Каенлык" кебек хуҗалыклар аталды.

Терлекчелек тә игътибар үзәгеннән читтә калмады. Авыл хуҗалыгы һәм азык-төлек идарәсенең җитештерү-маркетинг бүлеге начальнигы Рөстәм Сабиров 2012 нче елның беренче кварталының төп күрсәткечләрен анализлады.

Реклама

Киңәшмә иң яхшы күр-сәткечләргә ирешкән хуҗалыкларны бүләкләү белән тәмамланды. Күчмә кубок "Татмелиорация-Агро"га бирелде. "Бөреле" ябык акционерлык җәмгыяте, "Битаман", "Татарстан" АФ" җа-ваплылыгы чикле ширкәтләре белгечләргә карата кызыксындыру чаралары күрү йөзеннән Мактау грамоталары һәм акчалата премияләр белән бүләкләнде.

Рәсемдә: район башлыгы Р.Г.Кәлимуллин, ТРдагы Россельхознадзорның Биектау районара бүлеге филиалы начальнигы С.М.Сәлахетдинов, "Бөреле" ябык акционерлык җәмгыятенең генераль директоры М.А.Җаббаров Бөреле мәдәният йортында үрдерелгән орлык үрнәкләре куелган стенд янында.

А.Тимонин фотосы.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев