1 июльдән россиялеләрнең кредит тарихын формалаштыру тәртибе үзгәрә

Кредит тарихы тулырак булачак

Берләшкән кредит бюросының риск-менеджмент, методология һәм дата-аналитика буенча директоры Николай Филиппов аңлатуынча, элек таләп итү хокукы күчерелгәндә кредит тарихында бары тик кредитның яңа кредиторга тапшырылуы гына теркәлә иде.

Әгәр яңа кредитор мәгълүматны башка кредит тарихлары бюросына тапшырса, кредитны башта кем биргәнен ачыклау мөмкин булмый иде.

Элеккеге кредитор турында да мәгълүмат кертелә

Яңа кагыйдәләр гамәлгә кергәннән соң, кредит тарихы тагын да ачыграк булачак. Анда хәзерге бурыч иясенә таләп итү хокукын кем тапшырганы яки сатканы турында мәгълүмат та урын алачак.

Үзгәрешләрнең төгәл вакыты күрсәтеләчәк

Тагын бер яңалык – кредиторлар хәзер үзгәрешләрнең датасын гына түгел, ә аларның төгәл вакытын да күрсәтергә тиеш булачак.