Ул башкару осталыгы белән таң калдыра
Биектау районының Дөбьяз авылында Азамат исемле үсмер егет яши. Азамат Агадуллин моннан өч ел элек район күләмендә йолдыз булып кабынды. Ул бик нечкә тоемлау, ишетү, җырлау сәләтенә ия. Әмма тыңлаучыларны ул җырны төп-төгәл итеп башкаруы белән түгел, аның эчтәлегендәге һәр мизгелне бөтен күңеле, йөрәге аша уздыруы белән таң калдыра. Азаматка хәзер 16 яшь һәм аның әлеге сәләте турында үз авылында гына түгел, башка бик күп урыннарда да беләләр.
