24 августта Татарстан территориясендә урыны белән көчле яңгыр, яшен һәм секундына 15–20 метр тизлектә көчле җил көтелә. Бу хакта ТР Гидрометеорология үзәге хәбәр итә.
Республикада яңгыр һәм яшен булачак
Һава торышы болытлы, аязучан булачак. Урыны белән кыска вакытлы яңгыр явачак, көндез һәм кичен кайбер районнарда яңгыр көчле булырга мөмкин.
Иртән, көндез һәм кичен аерым районнарда яшенле яңгыр көтелә.
Җил көчәячәк
Җил көньяктан, көньяк-көнчыгыштан секундына 6–11 метр тизлектә исәчәк. Иртән, көндез һәм кичен урыны белән җилнең тизлеге 15–20 м/с кадәр көчәергә мөмкин.
Һава температурасы
Төнлә һава температурасы +9…+14 градус, республиканың көнбатышында +19 градуска кадәр булачак. Көндез һава +23…+28 градуска кадәр җылыначак.
Нет комментариев