Районда “Коррупциягә “ЮК!” дибез” дип исемләнгән иҗат бәйгесе узды

Бәйгедә теләге булган һәркемгә катнашу мөмкинлеге бирелгән иде. Эшләр рус һәм татар телләрендә кабул ителде. Яшьләр “Илемнең киләчәге минем кулда” дигән темага - инша,  36 яшьтән өлкәнрәк булган катнашучылар “Коррупциягә “ЮК!” дибез” дигән темага эссе яздылар. 14 яшькә кадәрге балалар “Намус белән яшәргә кирәк!” темасына рәсемнәр тәкъдим иттеләр. Бәйге 2023 елның 1 октябреннән н 5 декабрьгә кадәр барды. Жюри хөкеменә 150 дән артык эш килде. Күптән түгел районның үзәк район китапханәсендә җиңүчеләрне бүләкләү тантанасы узды.