«Костер» республика яшьләр үзәгендә ГТО уеннары узды

Эстафета форматында барган ярышларда балалар озынлыкка сикерү, җирдә яткан килеш гәүдәне күтәрү, басып торган килеш аска таба иелү (куллары җиргә кадәр тияргә тиеш), теннис  тубын  тиешле урынга ыргыту, 30 метрга йөгерү һәм башка спорт төрләрендә көч сынаштылар. Төрле яшьтә булуларына карамастан балалар,  дус командаларга берләшеп, җиңү өчен үҗәтләнеп тырыштылар. Тренерлар балаларга ГТО нормалары буенча осталык дәресләре күрсәттеләр.