Бөрелеләр Бөек Җиңүгә үз өлешләрен кертәләр

Бөреле авыл җирлегендә шулай ук матур митинг оештырылды һәм анда бистәдә яшәүчеләр барысы да җыелып килделәр. Мәктәп балалары да геройларга үз рәхмәтләрен җиткерделәр. Алар аерым чыгыш әзерләгәннәр иде.

1941 нче елда Бөр еле авыл җирлегеннән фронтка 327 кеше киткән, 187се әйләнеп кайткан. 140 кеше һәлак булган һәм хәбәрсез югалган. Бүгенге көндә Бөек Ватан сугышының ике шаһиты бар - җирлектәге бердәнбер ветеран Минһаҗетдин Ибраһимов һәм тыл хезмәтчәне Рифгать Вилданов. Әлеге бәйрәм дә нәкъ менә алар өчен оештырылган.

Бистәнең үзәк мәйданына дүрт берәмлек хәрби техника китерелгән. Чараның төп кунаклары шуларда авылны әйләнеп уздылар.

Авыл халкын сөендереп, бәйрәмгә килгән һәр кеше солдат боткасыннан авыз итә алды.

Бөек Ватан сугышы дүрт елга диярлек сузыла һәм кешелек тарихында иң зур кораллы бәрелеш була. Баренц диңгезеннән Кара диңгезгә кадәр сузылган фронтта ике яктан да сугышның төрле чорында бер үк вакытта 8 миллионнан алып 13 миллионга кадәр кеше көрәшкән, 6 меңнән алып 20 меңгә кадәр танк һәм штурм орудиесе, 85 меңнән алып 165 меңгә кадәр орудие һәм миномет, 7 меңнән алып 19 меңгә кадәр самолет кулланылган. Фашистларның кыска вакытлы бер кампаниядә совет халкын тиз генә җиңәргә исәп тотуы барып чыкмый. Совет гаакәрләре канкойгыч сугышларда дошманны талчыктыралар, бөтен Германия-Совет фронтында оборонага күчәргә мәҗбүр итәләр, ә аннары дошманга берничә зур һөҗүм ясыйлар. 1945 елның 9 маенда Берлин янында Германиянең берсүзсез капитуляция ясавы турындагы актка кул куела. Бөек Ватан сугышы тәмамлана.

Галия ИЛДАРОВА