Биектаулыларны концертка чакырабыз

«Татарстанның мәдәни башкаласы» бәйгесе кысаларында Казанның Кәрим Тинчурин исемендәге татар дәүләт драма һәм комедия театры бинасында концерт оештырыла. Мәдәни чара 9 сентябрьдә 14.00 сәгатьтә башлана. Агымдагы елның 31нче мартыннан башлап 24ноябренә кадәр Казанның төрле мәдәният мәйданчыкларында Татарстанның һәр муниципаль районы мәдәни программа тәкъдим итә. Билгеле булганча, 2023 нче ел- милли мәдәниятләр һәм гореф-гадәтләр елы, дип игълан ителгән иде. Бәйгедә  һәр район үзенең рухи кыйммәтләрен, гореф-гадәтләрен саклауга һәм ныгытуга керткән өлешен күрсәтәчәк. Программада туристлык маршрутларын презентацияләү, тарихи-мәдәни, милли ризык, кул эшләнмәләре күргәзмәләре  оештыру каралган.  Концертта районның үзешчән сәнгать әһелләре чыгышы да көтелә.  Мәдәни чарага керү ирекле