Биектау хәбәрләре

Биектау районы

Рус Тат
яналыклар

Казанда 13 яшьлек кызны мәсхәрәләгән ир-атны эзлиләр

Тикшерүчеләр җинаять кылуда шикләнелүче кешенең фотосын күрсәттеләр.

Казанда 13 яшьлек кызны мәсхәрәләгән ир-атны эзлиләр, дип хәбәр итте Татарстан Тикшерү комитеты җитәкчесенең өлкән ярдәмчесе Андрей Шептицкий.

Тикшерүчеләр ачыклаганча, гадәттән тыш хәл 8 май көнне, Серов урамындагы бер йортта килеп чыга. Кыз мәктәптән өенә кайта, лифтка керә, аның артыннан билгесез ир-ат йөгереп килә һәм оятсыз гамәлләр кыла башлый. Кыз куркып кычкыра һәм ир-ат качып китә.

Әлеге факт буенча “Оятсыз гамәлләр кылу” маддәсе буенча җинаять эше ачылды. Хәзерге вакытта тикшерүчеләр әлеге хәлнең нечкәлекләрен өйрәнә һәм ир-атны эзли.

Тикшерүчеләрдә әлеге җинаятьне кылуда шикләнелгән кешенең йөзе сурәтләнгән фото бар. Фотодагы ир-ат турында мәгълүматлары булган кешеләрне хокук саклау органнарына мөрәҗәгать итүләрен сорыйлар.

Реклама

Чыганак:http://tatar-inform.tatar/news/2018/05/11/163737/

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев