«Элита» дәүләт нәсел предприятиесе базасында нәсел ресурслары системасының яңа моделе турында фикер алыштылар

Татарстанның яңа нәсел проекты Россиянең башка нәсел предприятиеләре өчен дә төп модель булып торачак. Яңа система булдыру  зарурлыгы турында Татарстан белгечләре  берничә ел рәттән сөйлиләр инде. Моның өчен нәсел эше программаларының барысы да бер максатка,  бердәм база, бердәм таләпләргә юнәлдерелгән булырга тиеш.  Ә эшнең сыйфатына бәйсез экспертиза бәя бирәчәк. Яңа модель нәсел эшенең сыйфатын гына күтәреп калмыйча, аны экономик яктан нәтиҗәле дә итәчәк, диләр белгечләр.