Биектау районы башлыгы махсус хәрби операциядә катнашучылар белән очрашты

Район башлыгы хәрби якташлардан  хезмәтләренең барышы һәм нинди ярдәм кирәклеге турында сорашты. Хәрбиләр үзләренә  һәм аларның гаиләләренә күрсәткән ярдәмнәр өчен район җитәкчелегенә һәм райондашларга рәхмәт белдерделәр, туган яктан  озатылган гуманитар ярдәмнең мөһимлеген ассызыкладылар.Шулай ук, туган җирләрен  бик сагынуларын һәм якыннарын күрү шатлыгын белдерделәр. Туган илгә барытик җиңү белән генә кайтачакларына ышандырдылар. Очрашу ахырында Биектау районы чик сакчылары исеменнән махсус хәрби операция зонасындагы якташларга УАЗ «Буханка» автомобиле тапшырылды.