Высокогорские вести
  • Рус Тат
  • Янгын сүндерүчеләр тизлектә көч сынашты

    Биектауда федераль янгын сүндерү хезмәтенең ТР буенча территориаль бүлекләре арасында функциональ янгын сүндерү ярышлары узды. Чарада республиканың төрле районнарыннан 14 бүлек вәкилләре көч сынашты.

    Ф у н к ц и о н а л ь я н г ы н сүндерү ярышлары, кыскача гына әйтсәк, янгын кроссфитының икенче этабында катнашучыларга мөмкин кадәр кыска вакыт аралыгында 8 сынау узарга тәкъдим иттеләр. Барысын да бик тиз эшләргә кирәк, чөнки судьялар комиссиясе нәтиҗәне соңгы катнашучыга карап бәяләде.

    - Хис-кичерешләр шәп. Ярышлардан адреналин алдык. Мондый чаралар бик кирәк. Укулар күнекмәләрне автомат рәвештә башкарырга өйрәнергә булыша. Һәркемгә билгеле булганча, өйрәнгәндә авыр булса, сугышта җиңел булачак, - ди янгын сүндерүче Габделнур Абдуллин.

    Ярыш чыннан да авыр иде. Катнашучылар арасында сынаулар узганда тукталып калучылар да булды. Каршылыкларны узудан тыш, аларга янгын сүндерүчеләр экипировкасында йөгерергә туры килде. Ә бу өстәмә 15 кг дигән сүз. Әнә шул авырлык белән 24 килограммлы герне дә 10 тапкыр күтәрергә туры килде.

    Реклама

    - Ярышлар шактый катлаулы. Без аны мондый форматта беренче тапкыр үткәрәбез. Әлеге күнегүләр янгын сүндерүчеләр гадәттән тыш шартларда нәрсәләр белән очрашканны яки очрашырга мөмкин булганны күрсәтә, - дип ярышларга йомгак ясады Биектау районының 113 янгын сүндерү бүлеге җитәкчесе Азат Кәлимуллин.

    Мондый ярышлар республикада тәүге тапкыр оештырыла. Аның максаты - көч кулланылучы спорт төрләрен популярлаштыру, шулай ук, янгын сүндерүче хезмәтендә физик һәм махсус әзерлекнең ролен күтәрүдән гыйбарәт. Икенче этап нәтиҗәләре буенча республика финалына Балтач һәм Биектау коткаручылары чыкты.

    Эрнест АБДУЛАЕВ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: