Высокогорские вести
  • Рус Тат
  • Сайлаучылар грипп һәм коронавируска каршы вакцина ясатты

    Сайлау участокларында тавыш биреп кенә калмыйча, вакцина ясатырга да мөмкин иде. Коронавируска каршы көрәш бүген дә көн кадагында тора: көзгә кердек, димәк, сезонлы чирләр артачак.

    Коронавирус һәм гриппка каршы вакцина ясатырга теләүчеләр өчен Үзәк мәдәният йорты янында иртәдән үк “Ашыгыч ярдәм” машинасы кизү торды. Биредә барлык санитар-эпидемиологик таләпләр үтәлгән. Машинада ике медицина хезмәткәре эшләде.

    – Бездә барлык антисептик чаралар да бар. Коронавирус һәм гриппка каршы вакциналар җитәрлек, – ди Өнсә авылы фельдшер-акушерлык пункты җитәкчесе Гөлүзә Гиниятуллина.

    Фельдшер сүзләренә караганда, “Ашыгыч ярдәм” машинасына шактый кеше мөрәҗәгать иткән. Күпчелек коронавирус түгел, ә гриппка каршы вакцина ясаткан. Табиблар исә әлеге авыруларның икесенә каршы да прививка ясатырга киңәш итә.

    Реклама

    – Сайлауга дип килгәч вакцина ясату мөмкинлеге барлыгын күрдем дә, шунда ук прививка ясаттым, – ди Эмиль.

    Бүген район күләмендә коронавирус инфекциясенә каршы 12 меңгә якын кеше вакцина ясаткан. Сентябрь башыннан бирле 200дән артык биектаулының гриппка каршы прививкасы бар. Һәркем үз поликлиникасында моны бушлай эшли ала.

    Галия Илдарова

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: