Высокогорские вести
  • Рус Тат
  • «Tatar сүзе» бәйгесен оештыручылар татар шигъриятенә кызыксыну уятырга тели

    Бәйгенең икенче турына үтүчеләр өчен Казан театрлары артистлары нәфис сүз осталыгы буенча мастер-класс оештырачак.

    Россиянең атказанган, Татарстанның халык артисты Айдар Фәйзрахманов фикеренчә, халыкта татар шигъриятенә карата кызыксыну уятырга кирәк.

    «Тел югалып бара дибез, фаразлар кылабыз. Милләтне саклау юнәлешендә кулга-кул тотынышып эшләгәндә генә уңышка ирешә алабыз дип уйлыйм. Шигърияткә багышланган кичәләребез 2005 елдан бирле оештырыла, тамашачының шигърияткә булган мөнәсәбәтенә игътибар иттем. Халкыбызга татар шигъриятенә карата кызыксыну уятасы иде», — диде ул.

    Айдар Фәйзрахманов «Tatar сүзе» бәйгесе жюри рәисе. Ул сайлап алу туры онлайн үтәчәген искәртте. Икенче турда катнашучыларга мастер-класс  биреләчәкәген әйтте.

    « Балаларның күбрәк катнашуын бик теләр идем», — диде Фәйзрахманов.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: