Биектау хәбәрләре

Биектау районы

Рус Тат
ЯҢАЛЫКЛАР

Һәр башлангычта иҗат рухы һәм тырышлык кирәк

Коркачык мәдәният йортында курчак театры персонажлары, түгәрәктә әзерләнгән әйберләр һәм декорацияләр күргәзмәсе уза. Аларның барысын да тамашачы спектакльләр барышында күргән.

Айгөл Хәйруллина - Коркачык мәдәният йортының сәнгать җитәкчесе һәм “Нечкәбил” курчак театры режиссеры. Аның эшенә карашы да курчакларга булган мөнәсәбәтеннән күренә.

- Кызыклы түгәрәкләр бик күп. Шуңа күрә безнең үзебезгә генә хас үзенчәлегебез булырга тиеш дигән карарга килдек һәм курчак театры оештырдык. Бу - районда бердәнбер курчак театры, “халык театры” дигән исемебез дә бар, - диде Айгөл Хәйруллина.

“ Халык театры” исемен, яңа спектакльләр сәхнәләштереп һәм яңа персонажлар уйлап табып, ел саен дәлилләп торалар. Хәзер “Нечкәбил” гаиләсендә аларның саны 25тән артык.

- Курчаклар белән эшләргә булдым. Башта малай курчак ясадык, шул рәвешле безнең “Су анасы” спектакле барлыкка килде, - дип сүзен дәвам итте сәнгать җитәкчесе.

Бу нәкъ 15 ел элек була. Ә былтыр алар Абдулла Алиш әсәре буенча спектакль сәхнәләштерәләр һәм “Иделкәем” республика балалар-үсмерләр курчак театрлары коллективлары фестивалендә гран-при оталар.

Театр төркемендә 15 кеше. Биредә балалар да, олылар да бар. Эш һәркемгә җитә: курчаклар ясарга, аларга кием тегәргә, рольләрне өйрәнергә, декорацияләр уйлап табарга да кирәк бит.

- Әсәрне сәхнәләштерергә бер ел вакыт кирәк. Курчаклар папье-машедан эшләнгәнлектән, алар кибәргә дә тиеш. Бер курчакка бер ай вакыт китә, - ди Айгөл Хәйруллина.

Реклама

Мәдәният йортындагы иҗат рухы башка төрле түгәрәкләр алып барырга да ярдәм итә. Биредә рәсем дә ясыйлар, үрәләр дә, мозаика белән дә шыгыльләнәләр. Бу - сәнгать җитәкчесе өчен дә, бистә өчен дә зур горурлык. Балалар мәктәптән соң тизрәк бирегә ашыга.

- Без монда Әниләр көненә кул эшләнмәләре ясыйбыз, - ди кызларның берсе.

- Бирегә мәктәптән соң киләм, миңа монда бик ошый, - дип өстәде икенчесе.

- Карандашлар һәм ручкалар салып куярга савыт ясадык, - дип күрсәтә өченчесе.

Курчак театры каһарманнары сәхнәдә генә түгел, күргәзмәдә дә.

Галия ИЛДАРОВА

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев