Биектау хәбәрләре

Биектау районы

Рус Тат
ЯҢАЛЫКЛАР

Һөнәр сайлыйм – бәхет сайлыйм (+ВИДЕО)

Тиздән мәктәпләрнең чыгарылыш сыйныф укучылары өчен җаваплы - бердәм дәүләт имтиханнарын тапшыру чоры башлана. Бүген алар бик җентекләп һөнәр сайлыйлар. Чөнки булачак һөнәр нинди фәннәрдән имтихан тапшыруга турыдан-туры бәйләнгән. Без сораштырган укучыларны дәүләт имтиханнары куркытмый. 9-11 сыйныф укучылары имтихан тапшырасы фәннәрен күптән инде сайлап куйдылар. Кайсы уку йортына керергә теләгәннәре...

Тиздән мәктәпләрнең чыгарылыш сыйныф укучылары өчен җаваплы - бердәм дәүләт имтиханнарын тапшыру чоры башлана. Бүген алар бик җентекләп һөнәр сайлыйлар. Чөнки булачак һөнәр нинди фәннәрдән имтихан тапшыруга турыдан-туры бәйләнгән.
Без сораштырган укучыларны дәүләт имтиханнары куркытмый. 9-11 сыйныф укучылары имтихан тапшырасы фәннәрен күптән инде сайлап куйдылар. Кайсы уку йортына керергә теләгәннәре дә билгеле. Мәсьәлән, Биектау районы 1-нче урта мәктәбенең 9 сыйныф укучысы Розалина Хәйретдинова булачак һөнәрен күптән инде сайлап куйган. Ул әтисе һәм әнисе кебек медицина юлыннан китәргә тели һәм медицина колледжына керергә хыяллана.
"Мин әтием һәм әнием кебек кешеләргә ярдәм итәргә телим, моннан да игелеклерәк һөнәр иясе юктыр дөньяда", - ди Розалина.
Розалина белән бер сыйныфта укучы Эльвина Шакировага да туганнары сайлаган һөнәр ошый. Ул бухгалтер булырга хыяллана.
"Минем күп кенә туганнарым бухгалтер булып эшли. Ул зур җаваплылык сорый торган һөнәр", - ди Эльвина.
Күп кенә чыгарылыш сыйныф укучылары хезмәт базарында зур ихтыяҗ кичергән һөнәрләрне сайларга телиләр. Эшче һөнәре - шундыйлардан. "Электрик" һәм "Монтер" һөнәре белән Дилүс Хәлиуллин кызыксына. Ул элемтә техникумына керергә уйлый. "Техникумда төпле белем алырга була, үз эшеңнең чын остасы булу өчен, иң беренче чиратта, теорияне белергә кирәк", - ди Дилүс.
Укытучылар фикеренчә, бүгенге көндә балалар булачак һөнәрне үзләре сайларга тырышалар. "Әти-әни кая куша, кая кертә" дигән принцип юкка чыгып бара. Һөнәрне йөрәк кушканча сайлыйлар. Укытучы һөнәрен сайлаучылар да елдан-ел арта бара.
"Укытучы һөнәрен сайлап, югары уку йортларында диплом алганнан соң, безнең укучылар үзебезнең мәктәпкә укытырга кайталар. Мондый күренеш безне бигрәк тә шатландыра", - ди Биектау районының 1-нче урта мәктәбе директоры Елена Гыйлманова.
Быел да ике укучы укытучы һөнәрен сайларга тели. Алар югары уку йортына махсус юллама белән барачак һәм укып бетереп диплом алгач та районга кайтып эшләргә телиләр.
"Миңа укытучы һөнәре бик тә ошый. Мине үзебезнең укытучыларның фидакарьлеге сокландыра. Укыту процессы бик җиңелләрдән түгел, ә алар сабыр гына безне белем серләренә, тормыш серләренә төшенергә өйрәтәләр. Безнең мәктәп районда иң алдынгы мәктәпләрнең берсе. Мин дә үземнең туган мәктәбемдә эшләргә телим", - ди 11 сыйныф укучысы Ирина Стрекалова.
Күптән түгел районның мәктәп директорлары катнашында узган киңәшмәдә район хакимияте башлыгы Рөстәм Кәлимуллин балаларга акыллы киңәшләр һич артык түгел, дигән иде. Бүген сәнәгать тармагы эшче һөнәрләренә мохтаҗлык кичерә. Бүгенге эшче - ул югары интеллектуаль дәрәҗәдәге белгеч, чөнки эш урыны заман технологияләренә нигезләнеп булдырыла. Югары белем алырга кайчан да соң түгел. Теләгән кеше читтән торып та укуын дәвам итә ала. Шуңа күрә баланы алдан ук әзерләп, дөрес юнәлеш бирү укытучылар һәм әти-әниләр җилкәсенә төшә.
Хакимият башлыгы Рөстәм Кәлимуллин соңгы мәсьәләгә игътибарны юнәлтеп, районга югары квалификацияле эшче кадрлар кирәклеген билгеләп үткән иде. Алар туган җирдә хезмәт куярга, аның алга таба икътисади үсешен тәэмин итәргә һәм үзләре дә һөнәри яктан үсәргә тиеш, дип билгеләп үткән иде Рөстәм Галиуллович.
Булачак һөнәр сайлау чоры тәмамланып килә. Алда дәүләт имтиханнары. Районның мәгариф бүлеге башлыгы Нияз Әхмәтҗанов сүзләренә караганда, соңгы елларда укучылар җәмгыять белеме фәне белән тирәннән кызыксына. Быел да әлеге фәнне өстәмә фән итеп сайлаган укучылар байтак.
Биектау районында 2016 елда дәүләт имтиханы тапшыру өчен 148 бала аттестация узган иде. Быел 146 укучы узды. Тиздән имтиханнар башланачак. Бу укучылар өчен генә түгел, әти-әниләр, укытучылар өчен дә иң җаваплы чорларның берсе.

Реклама

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев