Зыян күрүчеләргә ярдәм кулы сузыйк!

Республикада һәм безнең районда Крымск шәһәрендә су басудан зыян күргән кешеләргә гуманитар яр-дәмне почта аша җибәрергә мөмкин.
Беренче көннәрдән үк матди ярдәм җыю "Өмет" халыкка социаль хезмәт күрсәтү Үзәгендә оештырылды. Хәзер исә теләге булган һәркем, тариф җыемнары түләмичә генә, "Россия почтасы" Федераль дәүләт унитар предприятиесе аша да посылка яки акча җибәрә ала. Посылка белән җибәрү өчен шәхси гигиена, юыну һәм дезинфекцияләүче әйберләр, кәрәзле телефоннар, урын-җир, сөлге, мендәр, юрган, өс һәм аяк киемнәре кабул ителә, аларның яңа булуы шарт.
Әйберләр, акча җибәрү өчен адрес:
Кому: МЧС Краснодарского края,
Куда: г. Краснодар, почтампт, 350000.
Посылкага "Гуманитарная помощь" дип язылган булырга тиеш. Почта хезмәткәрләре бланкларны тиешенчә тутырырга ярдәм итәрләр.