ВЕТЕРАННАР КУНАКТА

Ямаширмә авылыннан якташыбыз генерал-майор Фоат Канәфи улы Зиннуров элеккеге елларда төрле тармакларда эшләгән лаеклы кешеләрне чакырып, үзе ректор булып торучы Эчке эшләр министрлыгының юридик институтында, район ветераннары өчен чын бәйрәм оештырды.
Полиция хезмәткәрләрен әзерләп чыгаручы вуз коллективы кызыклы программа әзерләгән, аңа музейга бару, институт аудиториясе, бик яхшы концерт, бәйрәм табыны кергән. Ветераннар белән бергә Казанда Биектау муниципаль районы башлыгы Р.Г. Кәлимуллин да булды. Ул аларны бәйрәм белән котлады һәм институтка кунакчыллыгы өчен рәхмәт белдерде.