Тагын бер йорт хуҗаларына тапшырылды

Бөек Ватан сугышы ветераннары өчен чираттагы йорт узган шимбәдә файдалануга тапшырылды.

Шушы уңайдан оештырылган тантанага Биектау авылындагы Мичурин урамы, 21 нче йорт адресы буенча яңа фатирларга күченүчеләр җыелды. Аларны котларга ТР Хезмәт, мәшгульлек һәм социаль яклау министры Айрат Шәфигуллин, район башкарма комитеты җитәкчесе Раил Зәйнуллин, ТР Президенты каршындагы Дәүләт торак фондының башкаручы директоры урынбасары Марат Надыршин килделәр. Алар төзүчеләргә рәхмәт белдерделәр һәм яңа йортларга күченүчеләргә бәхетле озын гомер теләделәр. Шушы ук адрес буенча «Яшь гаилә» программасы нигезендә биектаулыларга 6 фатир бирелде.