Мәшгульлек ярминкәсе

Биектау Мәшгульлек үзәге районның урта мәктәпләренең өлкән сыйныф укучыларын, шулай ук эш эзләүче гражданнарны 2012 елның 18 маенда 13 сәгатьтә Бөреле мәдәният йортында булачак уку һәм эш урыннары ярминкәсенә чакыра.
Укучыларга махсус урта һәм югары белем бирүче уку йортлары вәкилләре белән очрашу, компьютерда тест узу мөмкинлеге биреләчәк.
Эшсез гражданнарга консультация һәм районның эш бирүче оешмалар вәкилләре белән турыдан-туры аралашу мөмкинлеге, шулай ук районда һәм Казандагы вакансияләр турында мәгълүматлар биреләчәк.
Сезне ярминкәдә көтәбез, ул сезгә файдалы булыр дип өметләнәбез!