ЭШЛӘГӘННЕҢ КАДЕРЕН БЕЛӘЛӘР

Районда туфрак эшкәртүдә эшләүче иң алдынгы механизаторларга премияләр тапшыру дәвам итә.
18 нче сентябрьдә "АгроСтар" ширкә-теннән "МТЗ-1221" тракторларында эшләүче механизаторлар Айдар Габдрахманов, Раил Шәяхмәтов, "UТО- 1204"тә эшләүче Рифат Хәкимов белән Илгизәр Галиуллин Биектау районы башлыгыннан премия алдылар. "Суыксу" җаваплылыгы чикле ширкәтендә "МТЗ-1221" тракторларында туфрак әзерләүче Дамир Сафин, Зөфәр Ибраһимов, шулай ук "Т-150" тракторында эшләүче Рамил Мөхәммәдиев, "ДТ-75"тә эшләүче Искәндәр Сәмигуллин да игътибар үзәгеннән читтә калмадылар. "Высокогорская" агрофирмасы җаваплылыгы чикле ширкәтендә иң яхшы механизаторлар - "МТЗ-1221"дә эшләүче Айдар Галәветдинов, Рәис Саттаров, Фәрит Фәхриев, Дамир Абдуллин, Айдар Шәрәфиев, "К-744" тә эшләүче Марат Хафизов, "Нью-Холланд"та - Айрат Ибраһимов, "Т-150"дә Рамис Мифтахов. Алар, күрсәткечләренә карап, бер меңнән дүрт мең сумга кадәр акчалата премияләр алдылар.