Биектау районы Үзәк хастаханәсендә инсульт проблемасы турында сөйләштеләр

Бүген Биектау районы Үзәк хастаханәсендә Биектау Үзәк хастаханәсе табиблары: гомуми практика табиблары, терапевтлар, җәмәгать оешмалары вәкилләре, "Өмет" үзәге директоры Рафис Газизов катнашында сөйләшү-киңәшмә уздырылды.

Киңәшмәдә инсульт проблемасы турында сөйләштеләр. Әлеге тема буенча фикер алышу юкка гына түгел. Район буенча атна саен 7-8 инсульт булу очрагы теркәлә икән. Ләкин табиблар фикеренчә дөрес итеп дәвалау билгеләнгән очракта да кайбер пациентларның табиб кушканнарны үтәмәүләре сәбәпле (даруларын эчәргә оныту, билгеләнгән режимны бозу) дәвалау уйлаганча килеп чыкмый.
Сөйләшү ахырында табиблар, җәмәгать оешмалары вәкилләре бергә хәбәрләшеп, халкка аңлатулар алып барып эшләргә кирәк дип килештеләр.