БЕЗНЕКЕЛӘР БЕРЕНЧЕ ӨЧЛЕКТӘ

Кукмарада "Ел хатын-кызы. Ел ир-аты: хатын-кызлар күзлегеннән" дигән конкурсның зона сайлап алу туры узды.
Анда якындагы 9 районнан килгән 40 лап кеше катнашты. Безнең район исеменнән конкурска Каенлык һәм Бөреле авыл җирлекләре башлыклары Эльвера Әхмәдуллина белән Эльмира Мөстәкыймова, Әлдермеш мәктәбе директоры Фәнис Насруллин барган иде. Конкурста катнашучы һәркем һөнәри эшчәнлеге турында презентация һәм мәдәни-күңел ачу программасы әзерләп барды. Эльвера Шәйхулла кызы "Хатын-кыз - ел үрнәге" номинациясендә, Эльмира Фиргать кызы "Хатын-кыз - лидер" номинациясендә мактаулы өченче урыннарны яуладылар, ә Фәнис Рафаэль улына "Ир-ат -лидер" номинациясендә икенче урын бирелде.