Бардым күлгә, салдым кармак

Балыкчы көне якшәмбе көнне Ямаширмәдә Габделәхмәт Котдусовның крестьян-фермер хуҗалыгы базасында узачак.
Фермер аны икенче ел оештыра һәм, нинди яшьтә булуларына карамастан, теләүчеләрнең барысын чакыра. Бу көнне бәйрәм дә, балыкчылар ярышы итеп тә уздырырга планлаштырыла. Катнашучылар һәм җанатарлар узган ел эчендә территориянең ничек үзгәрүен күрә алачаклар, шулай ук тәвә кошларын һәм аккошларны күзәтү, кайнар коймак белән сыйлану мөмкинлеге булачак. Ә иң булдыклы балыкчыларны спонсорлардан бүләкләр көтә. Ярышлар ике буада уздырылачак, башлана сәгать 10 да.