Мавыктыргыч кичә

Чыпчык мәдәният йортында Космонавтлар көненә багышланган интеллектуаль-күңел ачу кичәсе уздырдылар.

Аны "Билгесез планеталарга сәяхәт" дип атадылар. Кичәне уздыруга әзерлектә Надежда Аракчеева зур өлеш кертте. Тамашачылар һәрберсендә алты кеше булган "НЛО" һәм "Паприка" дип аталган ике команданың ярышын рәхәтләнеп карадылар. Программага "Иң яхшы чит планета кешесе" исеменә конкурсны да керттеләр. Спорт ярышлары күп булды, концерт номерлары белән чыгыш ясадылар. Китапханәче Илһамия Нигъмәтҗанова җитәкчелегендәге жюри әгъзалары уен барышын игътибар белән күзәттеләр. Һәр конкурс нәтиҗәләре буенча балларны санап, беренче урынны "НЛО" командасына бирделәр.