ЮБИЛЯРГА 95 ЯШЬ

Пәнҗешәмбе көнне муниципаль район башлыгы Рөстәм Кәлимуллин районыбызның тагын бер озын гомерле кешесен котлады.
Ул - Олы Битаман авылыннан хезмәт ветераны Марзия Насыйбулла кызы Галәветдинова. Марзия апа - Бөек Ватан сугышында катнашучының тол калган хатыны. Гомере буена колхозда тырышып эшләгән. Алты бала тапкан, бүгенге көндә аларның өчесе исән. Район башлыгы, Марзия Насыйбулла кызын 95 яшьлеге белән тәбрикләп, аңа намуслы хезмәте һәм балаларын тәрбияләп үстерүе өчен рәхмәт белдерде, юбилярның үзенә дә, балаларына һәм оныкларына да сәламәтлек, иминлекләр теләде.