Язгы кыр эшләренең иң кызган чоры

Район кырларында уҗым культураларын тукландыру эшләре тәмамланып килә, туңга сөрелгән җирләрне тырмалау дәвам итә.

Биектау районы Башлыгы Рөстәм Кәлимуллин механизаторлар эшен һәрчак күз уңында тота. Әле шушы көннәрдә дә ул тырмалау алдынгыларын бүләкләү өчен басуларга килде. Беренчеләрдән булып алдынгы флагларын Бөреле, Битаман һәм Әсән хуҗалыклары механизаторлары алды. Сүз уңаеннан күп хуҗалыкларның чәчүгә керешүләрен әйтеп китү дә урынлы булыр. Андыйлар арасында "Битаман", "Татарстан", "Урожай", "Серп и молот", "Агрохолдинг" һәм "Әсән" бар.