ЯҢА КИБЕТ АЧЫЛДЫ

Шушы көннәрдә Ташсу авылы халкына зур сөенеч килде - биредә яңа кибет ачылды.
Моңа кадәр авылга атнаның билгеле бер көннәрендә автолавка килеп хезмәт күрсәтә иде. Авыл кешеләре көндәлек кирәкле товарлар белән тәэмин итеп торулары өчен аның сатучыларына бик рәхмәтле. Тик шулай да алар көн саен эшли торган кибет турында хыялланып яшәделәр. Һәм менә шушы хыял шәхси эшмәкәр Рәфикъ Ганиев тырышлыгы белән 2013 нче ел башланыр алдыннан тормышка ашты - яңа кибет ишекләрен киң ачты, ул авыл кешеләренә бик күп төрле товарлар тәкъдим итә, бәяләре дә кулай.