Күмәк орыштан соң, каза күргән ир-ат хастаханәдә җан бирде

Бүген 49 яшьлек чит ил гражданины комадан чыга алмый, хастаханәдә җан бирде.

Исегезгә төшерәбез, 31 декабрь кичендә Биектау районының Бөреле поселыгында яшәүче ике ир-ат шушы поселокта эшләүче чит ил гражданнарын бәйрәм белән котларга киләләр. Алып килгән бер шешә шампан шәрабын бергәләп эчкәч, үзара низаг чыгып, хуҗалар килгән кунакларның берсен кыйныйлар. Ул үзенә ярдәмгә иптәшләрен чакыра. Шулай итеп, шампан шәрәбеннән башланган бәйрәм кичәсе күмәк сугыш белән тәмамлана.

Нәтиҗәдә 5 кеше төрле дәрәҗәдәге тән җәрәхәтләре белән хастаханәгә эләгә, бугенге көнгә кадәр аларның берсе бик авыр хәлдә, хастаханәдә комада иде. Бүген ул комадан чыга алмый җан бирде.