ТАГЫН БЕР СЕМИНАР

Бүген "Правда" җаваплылыгы чикле ширкәтендә районның авыл хуҗалыгы берләшмәләре һәм оешмалары җитәкчеләре һәм белгечләре өчен семинар узачак.
Анда катнашучылар терлекчелектәге җитештерүнең ничек сакчыл һәм хуҗаларча булырга тиешлеген күрерләр. Сөт, ит җитештерү, үрчем алу буенча узган елгы эш нәтиҗәләренә авыл хуҗалыгы һәм азык-төлек идарәсенең җитештерү-маркетинг бүлеге начальнигы Рөстәм Сабиров йомгак ясаячак. Семинарда авыл хуҗалыгы һәм азык-төлек идарәсе начальнигы Илнар Мөхлисов, баш ветеринария табибы Айрат Гәрәев, Татарстан Республикасындагы Россельхозцентр филиалының Биектау районара бүлеге начальнигы Сәгыйть Сәлахетдинов чыгыш ясаячак.