Тагын бер мәчет

Мөселманнар өчен изге булган җомга көнендә, 24 августта Чыпчык авылында яңа мәчет ачылды.
Аны 2008 елда төзи башлаганнар иде. Шушы вакыт дәвамында эш кергән хәйрия акчаларының күләменә карап дәвам итте, чөнки дини учреждениеләр спонсорлар һәм халык акчасына төзелә бит. Төзелешнең төп спонсоры - Дамир Насыйров. Биредә яшәүче кешеләр мәчет ачу тантанасында авыл имамы Рәшид хәзрәт Мөбарәкзадинның зур максатчан эшен рәхмәт хисләре белән мактап телгә алдылар.