САФЛАР НЫГЫЙ

"Бәләкәч" балалар бакчасының унөч хезмәткәренә тантаналы шартларда "Бердәм Россия" партиясе билетлары тапшырылды.
Коллектив узган ел азагында партия сафларына кергән мөдирләре Эльвира Хәйретдиновадан үрнәк алды. Партиянең Биектау җирле бүлеге җитәкчесе Лиана Гатина, әлеге мәктәпкәчә учреждение тәрбиячеләрен, техник һәм башка хезмәткәрләрен котлап, аларга иҗади уңышлар, актив тормыш позициясе, район тормышын алга җибәрү өчен уңышлы эшләүләрен теләде. Бүген Биектау районында 2834 "бердәмроссияле" бар. 2012 елда партиягә керүчеләр саны буенча безнең бүлек Татарстан региональ бүлегендә дүртенче урында.