Район “Дөньяның барлык төсмерләре”н балкытыр

2016 елның 11 нче ноябрендә 10.00 сәгатьтә Биектау муниципаль районында "Дөньяның барлык төсмерләре" дигән зона форумы узачак.

Форумның максаты - иреклеләр, яшьләр һәм балалар иҗтимагый оешмалары активистларын милләтара каршылыкларны булдырмый калу, республика территориясендә яшәүче халыклар арасында тынычлык, дуслык һәм татулыкны пропагандалау буенча социаль яктан мөһим проектларны тормышка ашыру алымнарына өйрәтү.

Форум эшендә шушы мәсьәләләргә битараф булмаган кешеләр, оешмалар, иҗтимагый берләшмәләр катнаша ала. Моның өчен сезгә эш тәҗрибәгезне күрсәтергә кирәк. Аның соңыннан "Дөньяның барлык төсмерләре" республика проектын тормышка ашыру кысаларында минем "Дөньяның барлык төсмерләре" иреклеләр акциясе" дигән социаль яктан мөһим проектларга грант ярдәменә - 20 мең сум акчага лаек булуы ихтимал.

Конкурс эшләрен dodrovolets.tatarstan.ru сайтының "Проекты" бүлегендә урнаштырылган форма буенча җибәрергә кирәк.

Хәбәрләшү өчен адрес: Биектау районы Башкарма комитетының яшьләр эшләре һәм спорт бүлеге. Тел.: 8 (84365) 2-35-88.